Падзеі

"Мы ў адной лодцы". Лукашэнка расказаў аб недапрацоўцы ўрадаў у саюзных адносінах з Расіяй

19 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю тэлеканалу "Расія" расказаў аб недапрацоўцы ўрадаў у развіцці беларуска-расійскіх саюзных адносін. Пашыраную версію інтэрв'ю паказалі ў вячэрнім эфіры тэлеканала "Беларусь 1", паведамляе БЕЛТА.

Кіраўнік дзяржавы прыгадаў аб тым, як у свой час зносілі загароды на граніцы Беларусі і Расіі, у чым ён асабіста ўдзельнічаў. Краіны паслядоўна выбудоўваюць супрацоўніцтва, але пакуль застаюцца некаторыя недапрацоўкі, перш за ўсё эканамічнага плана. "У нас ёсць пэўныя нюансы. Гавораць, у аэрапорце, калі беларусы праязджаюць, то гэта не так, як расіяне праязджаюць. Там нейкі дадатковы кантроль і іншае. Інакш кажучы, штрыхі пэўныя яшчэ засталіся. Але гэта дробязі, дэталі, якія, можа, не ўплываюць", - адзначыў ён, гаворачы аб пагранічнай тэматыцы.

Але галоўнае, падкрэсліў Прэзідэнт, - гэта эканамічная аснова саюза. "Сутнасць жа ў чым была - роўныя ўмовы для людзей і для прадпрыемстваў. Калі вось гэтых роўных умоў не будзе, ну які гэта саюз? - адзначыў Аляксандр Лукашэнка. - Я нават часам думаю аб тым, што... І нават Пуціну неяк у засмучаным настроі гавару: "Слухай, ну ты паглядзі, як яны (на Захадзе. - Заўвага БЕЛТА) адзін за аднаго". Можа, мы чагосьці не ведаем, але знешне мы бачым: і дапамагаюць, і зброя там, і грошы… Ну чаму, я кажу, мы не можам, дзве краіны? Што, такая нагрузка для Расіі - Беларусь? Не. Прытым мы адпрацуем. І яшчэ як адпрацоўваем".

"Таму нам трэба эканоміку паставіць на моцны фундамент. Я думаў: ну хто ў Расіі неяк тармозіць? Гэта не палітыка Пуціна. У нас настолькі агульныя погляды, мы настолькі блізкія адзін з адным. У нас наогул няма ніякіх рознагалоссяў. Гэта недапрацоўка нашых урадаў. Мы дамовіліся, што эканомікай будуць займацца ўрады. Але калі недзе няроўнасці, мы падключымся. Добрая формула. Але нам пастаянна даводзіцца ў эканоміку - двум прэзідэнтам - улазіць. Хоць цяпер шмат пытанняў іншых - прэзідэнцкіх. Таму ўрады павінны сфарміраваць гэту аснову", - заявіў кіраўнік дзяржавы.

Ён нагадаў, што некалі прапанаваў формулу аб агульнай Айчыне на прасторы ад Брэста да Уладзівастока. "Хто з гэтым можа паспрачацца? Ніхто, - заўважыў беларускі лідар. - На якой (прасторы. - Заўвага БЕЛТА) будуць дзве дзяржавы як адзінае цэлае. І ў нас розуму хопіць для таго, каб выбудаваць такія адносіны. Вось у гэтым напрамку нам сёння трэба дзейнічаць. Іншага не дадзена. І наогул не патрэбна".

Гаворачы аб падтрымцы Расіі з боку Беларусі, Аляксандр Лукашэнка падкрэсліў: "Мы гэта не скрываем, таму што мы фактычна ў адной лодцы. Што тут скрываць? Перакуліцца - абодва там патонем - і Расія, і Беларусь. Чаго нам скрываць?"

версія для друку

зрабіць стартавай

дабавіць у выбранае