Падзеі

11 кастрычніка, Сочы /Міхаіл Маціеўскі - БЕЛТА/. Прэзідэнт Узбекістана Шаўкат Мірзіёеў у час перагавораў у Сочы запрасіў Прэзідэнта Беларусі Аляксандра Лукашэнку наведаць з візітам Узбекістан у 2018 годзе, перадае карэспандэнт БЕЛТА.

"Я вас запрашаю ва Узбекістан у 2018 годзе, гэта павінен быць гістарычны візіт", - сказаў Шаўкат Мірзіёеў. Ён даручыў прысутным членам урада правесці неабходную работу, каб візіт беларускага лідара ва Узбекістан стаў знакавым.

Шаўкат Мірзіёеў дадаў, што ў лютым наступнага года ва Узбекістане пройдуць Дні культуры Беларусі. Гэта будзе садзейнічаць развіццю дружалюбных адносін паміж народамі абедзвюх краін.