Падзеі

28 мая, Талін /Аліна Грышкевіч - БЕЛТА/. Міністр замежных спраў Эстоніі Свэн Міксер 14 чэрвеня наведае Беларусь. Аб гэтым паведаміў, адказваючы на пытанне карэспандэнта БЕЛТА, Надзвычайны і Паўнамоцны Пасол Беларусі ў Эстоніі Анатоль Сцепусь сёння на сустрэчы з беларускімі журналістамі ў Эстонскім цэнтры "Усходняга партнёрства".

Дыпламат акцэнтаваў увагу на важнасці візіту кіраўніка эстонскага МЗС у Мінск, у час якога давядзецца абмеркаваць шырокі спектр пытанняў развіцця двухбаковага супрацоўніцтва. У цэнтры ўвагі будуць тэмы пашырэння эканамічнага ўзаемадзеяння.

У тым ліку трэба будзе дасканала разгледзець пытанні падрыхтоўкі візіту ў Мінск прэм'ер-міністра Эстоніі, які, як мяркуецца, адбудзецца восенню. Больш дакладныя тэрміны прыезду павінны вызначыцца якраз на перагаворах Свэна Міксера ў беларускай сталіцы.

Як беларускі, так і эстонскі бакі надаюць вялікае значэнне такім візітам, якія прызначаны надаць новы імпульс беларуска-эстонскаму супрацоўніцтву.

Эстонскі цэнтр "Усходняга партнёрства" сваёй дзейнасцю ўмацоўвае сувязі Эстоніі з краінамі УП, інфармуе аб "Усходнім партнёрстве" ў Эстоніі і ў іншых краінах, адначасова развівае палітыку УП Еўрасаюза.