Падзеі

Мінінфарм Беларусі і Дзяржупраўленне па справах радыёвяшчання і тэлебачання КНР падпісалі пагадненне аб супрацоўніцтве

Фота Міністэрства інфармацыі

25 верасня, Мінск /Кар. БЕЛТА/. На палях "Тэлевізійнага фестывалю краін Шанхайскай арганізацыі супрацоўніцтва" міністр інфармацыі Беларусі Уладзімір Пярцоў сёння сустрэўся з кіраўніком-міністрам Галоўнага дзяржаўнага ўпраўлення па справах радыёвяшчання і тэлебачання Кітайскай Народнай Рэспублікі Цаа Шумінь у Нанкіне (КНР). Аб гэтым БЕЛТА паведамілі ў Мінінфарме.

Удзельнікі сустрэчы абмеркавалі магчымасць узаемнага двухбаковага супрацоўніцтва ў інфармацыйнай сферы з КНР і іншыя актуальныя пытанні міждзяржаўнага ўзаемадзеяння.

У ведамстве нагадалі, што ў жніўні 2023 года ў Мінску быў урачыста адкрыты міжнародны камунікацыйны пункт правінцыі Ганьсу.

"З упэўненасцю можна сказаць, што ў інфармацыйных адносінах нашы рэгіёны становяцца бліжэй. Работа пункта, безумоўна, адкрые перспектывы ў правядзенні сумесных праектаў у інфармацыйнай прасторы", - падкрэсліў на сустрэчы Уладзімір Пярцоў.

У рамках тэлефестывалю краін Шанхайскай арганізацыі супрацоўніцтва падпісана пагадненне аб супрацоўніцтве паміж Міністэрствам інфармацыі Беларусі і Галоўным дзяржаўным упраўленнем па справах радыёвяшчання і тэлебачання Кітайскай Народнай Рэспублікі ў галіне радыёвяшчання і тэлебачання.

версія для друку

зрабіць стартавай

дабавіць у выбранае