Падзеі

25 кастрычніка, Мінск /Кар. БЕЛТА/. Мексіка зацікаўлена ў далейшым развіцці ўсебаковага супрацоўніцтва з Беларуссю. Аб гэтым было заяўлена ў ходзе ўручэння Надзвычайным і Паўнамоцным Паслом Беларусі ў Рэспубліцы Куба і Мексіканскіх Злучаных Штатах па сумяшчальніцтве Аляксандрам Аляксандравым даверчых грамат Прэзідэнту Мексіканскіх Злучаных Штатаў Энрыке Пенья Ньета, паведамілі ў прэс-службе МЗС Беларусі.

"На сустрэчы Энрыке Пенья Ньета адзначыў зацікаўленасць Мексікі ў далейшым развіцці ўсебаковага супрацоўніцтва з Беларуссю, а таксама падкрэсліў ролю нашай краіны ў забеспячэнні стабільнасці і бяспекі ў Еўрапейскім рэгіёне, у тым ліку, работы ў Мінску трохбаковай кантактнай групы па ўрэгуляванні сітуацыі на ўсходзе Украіны", - адзначылі ў прэс-службе.

У сваю чаргу Аляксандр Аляксандраў пацвердзіў гатоўнасць беларускага боку да актывізацыі сумеснай работы з Мексікай з мэтай пераходу беларуска-мексіканскіх адносін на якасна новы ўзровень перш за ўсё ў гандлёва-эканамічнай сферы.