Падзеі
Макей разлічвае на актывізацыю ўсебаковага супрацоўніцтва з ЕС
2 сакавіка, Мінск /Святлана Міховіч - БЕЛТА/. Міністр замежных спраў Беларусі Уладзімір Макей разлічвае на актывізацыю ўсебаковага супрацоўніцтва з Еўрапейскім саюзам. Аб гэтым ён паведаміў журналістам у час работы XVII Асамблеі дзелавых колаў Беларусі, перадае карэспандэнт БЕЛТА.
"Тое, што з Беларусі знята большасць санкцый, дае нам магчымасць развіваць усебаковае супрацоўніцтва з ЕС. Лічу, што ў бліжэйшы час будуць зроблены канкрэтныя крокі, якія прывядуць да паляпшэння нашага дыялогу з еўрапейскімі партнёрамі", - падкрэсліў Уладзімір Макей.
Тыдзень беларускага прадпрымальніцтва праводзіцца з 29 лютага па 4 сакавіка. Ключавой падзеяй з'яўляецца XVII Асамблея дзелавых колаў. У ёй удзельнічаюць лідары бізнесу, заснавальнікі і дырэктары прыватных прадпрыемстваў, кіраўнікі і спецыялісты міністэрстваў і ведамстваў, дыпламаты, прадстаўнікі рэгіянальных і галіновых бізнес-асацыяцый Беларусі, журналісты. Удзельнікам асамблеі прадстаўлены праект "Нацыянальнай платформы бізнесу Беларусі-2016".
версія для друку
зрабіць стартавай
дабавіць у выбранае