Падзеі
Макей: Беларусь не толькі захавае ўсе сувязі з Расіяй, але і ўмацуе іх
17 кастрычніка, Мінск /Кар. БЕЛТА/. Беларусь не толькі захавае ўсе сувязі з Расіяй, але і ўмацуе іх. Аб гэтым міністр замежных спраў Беларусі Уладзімір Макей заявіў у інтэрв'ю польскай газеце Rzeczpospolita, паведамляе БЕЛТА.
Уладзімір Макей адзначыў, што Беларусь сёння залежыць ад Расіі з эканамічнага пункту гледжання, таму крызісныя з'явы ў расійскай эканоміцы могуць уплываць і на абстаноўку ў рэспубліцы.
"Але ў цяперашняй сітуацыі, менавіта ў перыяд сусветнага фінансава-эканамічнага крызісу, мы прыходзім да высновы, што для таго, каб такая сітуацыя менш уплывала на канкрэтную краіну, трэба імкнуцца мець добрыя адносіны з усімі дзяржавамі: і эканамічныя, і гандлёвыя, і палітычныя, і іншыя. Гэта ні ў якай меры не азначае, што мы збіраемся разарваць усе сувязі з Расіяй, - падкрэсліў дыпламат. - Мы, наадварот, усе сувязі з Расіяй захаваем і, напэўна, яшчэ і ўмацуем".
Разам з тым кіраўнік ведамства звярнуў увагу, што Беларусь хоча адначасова мець добрыя адносіны і з іншымі не менш важнымі гандлёва-эканамічнымі, палітычнымі партнёрамі, у тым ліку з Польшчай.
версія для друку
зрабіць стартавай
дабавіць у выбранае