Падзеі

Макей: Беларусь гатова да дыялогу па сітуацыі ў краіне без умяшання ва ўнутраныя справы

Уладзімір Макей. Фота з архiва

26 жніўня, Мінск /Кар. БЕЛТА/. Па ініцыятыве італьянскага боку адбылася тэлефонная размова міністра замежных спраў Беларусі Уладзіміра Макея з міністрам замежных спраў і міжнароднага супрацоўніцтва Італіі Луіджы Дзі Маё. Аб гэтым БЕЛТА паведамілі ў прэс-службе беларускага знешнепалітычнага ведамства.

"Бакі абмеркавалі стан двухбаковага палітычнага дыялогу і супрацоўніцтва ў гандлёва-эканамічнай і гуманітарнай сферах. Па просьбе італьянскага калегі, які выказаў занепакоенасць поствыбарнымі падзеямі ў Беларусі, Уладзімір Макей праінфармаваў аб унутрыпалітычнай сітуацыі ў краіне", - расказалі ў прэс-службе.

Кіраўнік МЗС Беларусі падкрэсліў важнасць аб'ектыўнай, усебаковай ацэнкі апошніх падзей, запэўніўшы ў гатоўнасці да канструктыўнага дыялогу з замежнымі партнёрамі па гэтай тэме без пагроз і ўмяшання ва ўнутраныя справы.

версія для друку

зрабіць стартавай

дабавіць у выбранае