Падзеі

Макей і Чавушаглу абмеркавалі сітуацыю вакол Украіны

Фота з архiва

14 сакавіка, Мінск /Кар. БЕЛТА/. Міністр замежных спраў Беларусі Уладзімір Макей правёў тэлефонную размову з міністрам замежных спраў Турцыі Меўлютам Чавушаглу, паведамілі БЕЛТА ў прэс-службе знешнепалітычнага ведамства.

Уладзімір Макей павіншаваў турэцкага калегу з паспяховым завяршэннем Анаталійскага дыпламатычнага форуму, які праходзіў у Антальі з 11 па 13 сакавіка.

"Субяседнікі падрабязна абмеркавалі сітуацыю ў рэгіёне ў шырокім кантэксце і канкрэтна вакол Украіны. Выказалі адзінае меркаванне аб тым, што канфлікт у яго гарачай фазе павінен быць завершаны як мага хутчэй", - адзначылі ў МЗС.

Бакі закранулі пытанні эвакуацыі ўласных грамадзян з зоны канфлікту і функцыянавання гуманітарных калідораў. Міністры таксама абмеркавалі тэматыку двухбаковых адносін з акцэнтам на актуальных пытаннях гандлёва-эканамічнага супрацоўніцтва Беларусі і Турцыі.

версія для друку

зрабіць стартавай

дабавіць у выбранае