Падзеі

Лукашэнка запрошаны Генеральным сакратаром ААН на канферэнцыю для краін, якія не маюць выхаду да мора

Фота з архiва

20 жніўня, Мінск /Кар. БЕЛТА/. Генеральны сакратар ААН Антоніу Гутэрыш накіраваў запрашэнні на імя Прэзідэнта Беларусі Аляксандра Лукашэнкі для ўдзелу беларускай дэлегацыі ў 3-й Канферэнцыі ААН для краін, якія развіваюцца, не маюць выхаду да мора. Форум плануецца правесці ў снежні бягучага года ў Батсване. Аб гэтым у адказе на пытанне БЕЛТА заявіў прэс-сакратар МЗС Беларусі Анатоль Глаз.

"Генеральны сакратар ААН Антоніу Гутэрыш накіраваў адпаведныя запрашэнні на імя кіраўніка нашай дзяржавы. І ў сваім пасланні ў адказ Прэзідэнт Беларусі пацвердзіў наш інтарэс. Звязаны ён з тым, што як Беларусь, так і іншыя краіны, якія не маюць выхаду да мора, сутыкаюцца з аднолькавымі выклікамі. Усе мы залежныя ад дзеянняў сваіх суседзяў - прыморскіх дзяржаў. А Беларусь яшчэ і ў поўнай меры на сабе адчувае наступствы незаконных дзеянняў шэрага краін, якія абмяжоўваюць прадугледжанае Канвенцыяй ААН права нашай краіны на выхад да мора і транзіт", - сказаў прадстаўнік МЗС.

"Таму, вядома, мы плануем прыняць непасрэдны ўдзел у гэтай канферэнцыі на ўзроўні кіраўніцтва МЗС", - заявіў Анатоль Глаз.

На форуме Беларусь мае намер жорстка паставіць пытанне аб прымушэнні шэрага дзяржаў да выканання імі сваіх міжнародных абавязацельстваў у рамках дзеючых прававых дакументаў.

Першая міжнародная канферэнцыя ААН па краінах, якія не маюць выхаду да мора, адбылася ў Алматы ў жніўні 2003 года. Другая прайшла ў Вене ў лістападзе 2014 года. Была распрацавана і прынята ўсёабдымная праграма дзеянняў для краін, якія развіваюцца, не маюць выхаду да мора, на перыяд 2014-2024 гадоў. Трэцюю міжнародную канферэнцыю плануецца правесці ў Габароне (Батсвана) 10-13 снежня 2024 года. Мэта будучай канферэнцыі - правядзенне ацэнкі ажыццяўлення Венскай праграмы дзеянняў, а таксама распрацоўка і прыняцце новага стратэгічнага дакумента для адпаведнай катэгорыі краін.

версія для друку

зрабіць стартавай

дабавіць у выбранае