Падзеі

Лукашэнка запрасіў Прэзідэнта ПАР у Беларусь і прапанаваў развіваць супрацоўніцтва

Фота з архiва

27 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Паўднёва-Афрыканскай Рэспублікі Сірыла Рамафосу і грамадзян гэтай краіны з нацыянальным святам - Днём Свабоды. Аб гэтым БЕЛТА паведамілі ў прэс-службе беларускага лідара.

"Беларусь раней на міжнародных пляцоўках паслядоўна падтрымлівала жыхароў Афрыкі ў пераадоленні апартэіду, а сёння мы разам імкнёмся да ўстанаўлення справядлівага светапарадку, заснаванага на дружбе, даверы і павазе Статута ААН і міжнароднага права. У 30-ю гадавіну ўстанаўлення дыпламатычных адносін паміж нашымі краінамі асабліва прыемна адзначыць магчымасць выхаду двухбаковага ўзаемадзеяння на новы ўзровень", - гаворыцца ў віншаванні.

Прэзідэнт пацвердзіў зацікаўленасць у далейшым развіцці кантактаў з ПАР па шырокім спектры напрамкаў, асабліва ў сферы прамысловай кааперацыі з акцэнтам на сельскую гаспадарку, у інфармацыйна-камунікацыйных тэхналогіях, харчовай бяспецы, адукацыі, ахове мацярынства і дзяцінства.

Карыстаючыся выпадкам, Аляксандр Лукашэнка запрасіў Сірыла Рамафосу наведаць з візітам Беларусь, каб надаць новы імпульс супрацоўніцтву паміж дзвюма дзяржавамі. Ён таксама пажадаў яму добрага здароўя і плённай палітычнай дзейнасці, а дружалюбнаму народу Паўднёвай Афрыкі - згоды і прагрэсу.

версія для друку

зрабіць стартавай

дабавіць у выбранае