Падзеі

Лукашэнка запрасіў Прэзідэнта Балгарыі наведаць Беларусь

Фота з архiва

3 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Балгарыі Румена Радзева з нацыянальным святам - Днём вызвалення, паведамілі БЕЛТА ў прэс-службе беларускага лідара.

"Доўгая гісторыя мірнага суіснавання нашых народаў і шматлікія чалавечыя сувязі даюць нам сёння ўнікальную магчымасць істотна паглыбіць супрацоўніцтва па разнастайных напрамках", - гаворыцца ў віншаванні.

Кіраўнік дзяржавы прапанаваў балгарскаму лідару працаваць над сумеснымі праектамі ў гандлёвай, інвестыцыйнай, навукова-тэхнічнай галінах, сферах энергетыкі, лагістыкі, адукацыі і турызму. "Будзем рады вітаць вас на гасціннай беларускай зямлі для абмеркавання шырокага спектра пытанняў двухбаковага і міжнароднага парадку дня", - адзначыў Прэзідэнт.

Аляксандр Лукашэнка пажадаў Румену Радзеву моцнага здароўя, поспехаў на адказнай дзяржаўнай пасадзе, а балгарскаму народу - міру і працвітання.

версія для друку

зрабіць стартавай

дабавіць у выбранае