Падзеі

Лукашэнка занепакоены пераходам тэрарыстычнай актыўнасці ў "Даркнэт"

3 верасня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка выказаў занепакоенасць пераходам тэрарыстычнай актыўнасці ў "Даркнэт". Аб гэтым ён заявіў сёння ў Мінску на міжнароднай канферэнцыі па барацьбе з тэрарызмам, перадае карэспандэнт БЕЛТА.

Прэзідэнт падкрэсліў, што глабальная сетка цяпер з'яўляецца вялікай зонай рызыкі. Пагрозы, якія фарміруюцца ў кіберпрасторы, маюць транснацыянальны і скрыты характар.

"Адыход злачынцаў у "цёмную сетку", або, як яе называюць, "Даркнэт", ускладняе кантроль з боку і дзяржаў, і прыватнага сектара. Тэрарысты актыўна выкарыстоўваюць сацыяльныя сеткі для прапаганды і вярбоўкі новых прыхільнікаў, лічбавыя тэхналогіі - для фінансавага падсілкоўвання. Гэта яшчэ адзін выклік для глабальнага контртэрарыстычнага фронту", - лічыць Аляксандр Лукашэнка.

"Стварылі гэту добрую "цацку" вялікую і цяпер не ведаем, што з ёй рабіць. А дакладней, ведаем, нават вельмі добра ведаем. Але не хочам рабіць тое, што мы разумеем, і тое, што трэба рабіць. Ствараючы якую-небудзь "цацку", мы павінны разумець, што калі яна з аднаго боку нясе карысць чалавецтву (а інтэрнэт гэта сапраўды з аднаго боку добра), нам жа трэба было падумаць аб тым, а што можа прынесці дрэннага", - падкрэсліў беларускі лідар.

Ён дадаў, што, ствараючы глабальную сетку, некаторыя разлічвалі на вялікія выгады ад яе, у тым ліку ў мэтах шпіянажу.

версія для друку

зрабіць стартавай

дабавіць у выбранае