Падзеі

Лукашэнка: за гады суверэнітэту Інданезія дасягнула значнага прагрэсу

Фота з архiва

17 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Рэспублікі Інданезія Джока Відода і інданезійскі народ з нацыянальным святам - Днём Незалежнасці. Аб гэтым БЕЛТА паведамілі ў прэс-службе беларускага лідара.

"За гады суверэнітэту Інданезія дасягнула значнага прагрэсу ў развіцці прамысловага сектара, інфармацыйна-камунікацыйных і лічбавых тэхналогій, змагла стаць адным з буйнейшых рэгіянальных цэнтраў і заняць вядучае месца ў АСЕАН", - гаворыцца ў віншаванні.

Кіраўнік дзяржавы падкрэсліў, што ў год святкавання трыццацігоддзя ўстанаўлення дыпламатычных адносін паміж нашымі краінамі асабліва прыемна адзначыць умацаванне двухбаковых сувязей, рост гандлю і пашырэнне дагаворна-прававой базы.

Прэзідэнт выказаў упэўненасць, што ўдасца ў поўнай меры рэалізаваць існуючы патэнцыял узаемадзеяння па лініі харчовай бяспекі, адукацыі, турызму.

Аляксандр Лукашэнка пажадаў Прэзідэнту Інданезіі моцнага здароўя і далейшых поспехаў на адказнай дзяржаўнай пасадзе, а інданезійцам - шчасця і дабрабыту.

версія для друку

зрабіць стартавай

дабавіць у выбранае