Падзеі

Лукашэнка: з-за недальнабачнай палітыкі ЕС Беларусь і Бельгія перажываюць цяпер не лепшы перыяд

Фота з архiва

21 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў народ Каралеўства Бельгія з Нацыянальным святам. Аб гэтым БЕЛТА паведамілі ў прэс-службе кіраўніка дзяржавы.

На працягу стагоддзяў беларусы і бельгійцы адстойвалі сваё права жыць і ствараць у незалежнай дзяржаве, адзначыў беларускі лідар. "У апошнія дзесяцігоддзі нашы краіны актыўна пашыралі двухбаковае супрацоўніцтва, асабліва ў гандлёва-эканамічнай і гуманітарнай сферах, што, безумоўна, уносіла ўклад у дабрабыт і развіццё абодвух народаў, - гаворыцца ў віншаванні. - На жаль, у сувязі з недальнабачнай палітыкай Еўрапейскага саюза ў дачыненні да Беларусі адносіны паміж намі цяпер перажываюць не лепшы перыяд".

Кіраўнік дзяржавы выказаў упэўненасць, што найхутчэйшае адмаўленне ад палітыкі канфрантацыі і сумесны пошук шляхоў урэгулявання супярэчнасцей пасадзейнічае ўсталяванню міру на еўрапейскім кантыненце.

Аляксандр Лукашэнка пацвердзіў гатоўнасць Беларусі да паглыблення партнёрскіх узаемапаважлівых кантактаў з Бельгіяй па ўсіх напрамках, а таксама пажадаў жыхарам каралеўства здароўя, згоды і працвітання.

версія для друку

зрабіць стартавай

дабавіць у выбранае