Падзеі

Лукашэнка: хочаце перамен і рэформ - скажыце, якіх, заўтра пачнём

16 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка сёння, выступаючы на мітынгу ў Мінску, выказаўся наконт перамен і рэформ, паведамляе карэспандэнт БЕЛТА.

"Хачу звярнуцца, называючы іх на вы, да тых, хто сёння аблудны, хто сёння дэзарыентаваны. Я хачу спытаць у вас: чаго хочаце вы цяпер?" - задаў пытанне кіраўнік дзяржавы.

"Міру!" - пачуліся галасы ўдзельнікаў мітынгу.

"Вы хочаце свабоды, скажыце, якой?" - прадоўжыў Прэзідэнт.

"Мірнай!" - падтрымалі яго мітынгуючыя.

"Вы хочаце перамен - якіх, што будзем мяняць?" - зноў задаў пытанне Аляксандр Лукашэнка.

"Мірных!" - крычалі людзі ў адказ.

"Вы хочаце рэформ, скажыце, якіх, заўтра пачнём! Вы хочаце верталётных грошай? Але вы ж ведаеце - 50 з нечым тысяч, якія стаяць тут, на гэтай плошчы, - што не бывае верталётных грошай. Грошы трэба зарабляць кожны дзень, і не на плошчы, а ў палях, на заводах і фабрыках", - падкрэсліў беларускі лідар.

версія для друку

зрабіць стартавай

дабавіць у выбранае