Падзеі

Лукашэнка: у бліжэйшы час у Беларусі будзе або новая Канстытуцыя, або ўнясуць праўкі ў дзеючую

31 мая, Мінск /Уладзімір Мацвееў - БЕЛТА/. У бліжэйшы час у Беларусі будзе або новая Канстытуцыя, або будуць уносіцца праўкі ў дзеючую. Аб гэтым сёння заявіў Прэзідэнт Беларусі Аляксандр Лукашэнка на сустрэчы з кіраўнікамі канстытуцыйных судоў замежных краін, перадае карэспандэнт БЕЛТА.

Кіраўнік дзяржавы адзначыў, што ў Беларусі думаюць аб новым этапе ў сувязі са змяненнямі, якія дыктуе само жыццё. "Вельмі паскорыліся працэсы. Наша Канстытуцыя пачынае крыху адставаць. Я папрасіў менавіта спецыялістаў Канстытуцыйнага суда, каб яны ўнеслі свае прапановы па магчымым удасканаленні нашай Канстытуцыі. А потым мы сядзем і абмяркуем", - сказаў Прэзідэнт.

Аляксандр Лукашэнка падкрэсліў, што ў Канстытуцыйным судзе Беларусі працуюць выключныя прафесіяналы - практыкі, тэарэтыкі. "Адбіраем кожнага чалавека вельмі доўга. Гэта людзі, якія прайшлі жыццё, і ведаюць, чаго патрабуе ад нас сёння народ", - падкрэсліў ён.

версія для друку

зрабіць стартавай

дабавіць у выбранае