Падзеі
Лукашэнка: у Беларусі ўзрушаны вераломствам тэрарыстаў, якія ўчынілі бязлітасную атаку ў аэрапорце Стамбула
29 чэрвеня, Мінск /Кар. БЕЛТА/. Прэзідэнт Рэспублікі Беларусь Аляксандр Лукашэнка ад імя беларускага народа і сябе асабіста выказаў шчырыя спачуванні Прэзідэнту Турэцкай Рэспублікі Рэджэпу Таіпу Эрдагану, родным і блізкім загінулых у выніку тэрарыстычнага акта ў аэрапорце Стамбула. Аб гэтым БЕЛТА паведамілі ў прэс-службе беларускага лідара.
"У Рэспубліцы Беларусь узрушаны вераломствам тэрарыстаў, якія ўчынілі бязлітасную атаку на пасажыраў і персанал міжнароднага аэрапорта г.Стамбула", - гаворыцца ў спачуванні.
Кіраўнік дзяржавы адзначыў, што паведамленне аб вялікай колькасці загінулых і параненых мірных грамадзян адгукнулася глыбокім болем у сэрцы кожнага беларуса. "Наяўнасць сярод іх жанчын і дзяцей асабліва падкрэслівае нялюдскую сутнасць заказчыкаў і выканаўцаў тэрактаў", - падкрэсліў Аляксандр Лукашэнка.
версія для друку
зрабіць стартавай
дабавіць у выбранае