Падзеі
Лукашэнка спадзяецца на новую сустрэчу з Прэзідэнтам Эквадора для абмеркавання актуальных тэм двухбаковага ўзаемадзеяння
10 жніўня, Мінск /Кар. БЕЛТА/. Кіраўнік дзяржавы Аляксандр Лукашэнка ад імя беларускага народа і сябе асабіста павіншаваў Прэзідэнта Эквадора Рафаэля Карэа Дэльгада з нацыянальным святам - Днём абвяшчэння незалежнасці. Аб гэтым БЕЛТА паведамілі ў прэс-службе беларускага лідара.
"Беларусь высока ацэньвае Вашу палітыку, накіраваную на ўмацаванне суверэнітэту Эквадора, рост аўтарытэту на міжнароднай арэне, паляпшэнне дабрабыту грамадзян, і надае вялікае значэнне далейшаму пашырэнню дружалюбных адносін і супрацоўніцтва паміж нашымі краінамі ва ўсіх сферах", - адзначыў Аляксандр Лукашэнка.
Беларускі лідар пацвердзіў гатоўнасць да паглыблення міждзяржаўнага дыялогу і выказаў надзею на новую сустрэчу з Прэзідэнтам Эквадора з мэтай абмеркавання актуальных тэм двухбаковага ўзаемадзеяння.
версія для друку
зрабіць стартавай
дабавіць у выбранае