Падзеі

Кіраўнік дзяржавы выказаў гатоўнасць абмеркаваць у час сустрэчы ўсе актуальныя пытанні, у тым ліку праблемнага характару. Прэзідэнт разлічвае на далейшае аб'ектыўнае асвятленне вынікаў размовы.

Іосіф Сярэдзіч падзякаваў Аляксандру Лукашэнку за магчымасць сустрэцца. "Той блок пытанняў, якія я папрашу абмеркаваць, будзе актуальным не столькі для мяне, колькі для беларусаў у цэлым. Менавіта перажыванне за тое, што мы на сённяшні дзень маем, што мы можам мець заўтра і паслязаўтра, прывяло да вас", - сказаў ён.

Галоўны рэдактар "Народнай волі" папрасіў кіраўніка дзяржавы аб асабістай сустрэчы ў час "Вялікай размовы з Прэзідэнтам", якая прайшла ў Мінску 3 лютага.