Падзеі

Лукашэнка прадоўжыў на 2019-2020 гады тэрмін дзеяння мер па падтрымцы экспартных праграм

29 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка прадоўжыў на 2019-2020 гады тэрмін дзеяння ўказа ад 24 верасня 2009 года нумар 466 "Аб некаторых мерах па рэалізацыі тавараў, вырабленых у Рэспубліцы Беларусь", накіраванага на падтрымку экспартных праграм па рэалізацыі беларускай тэхнікі. Адпаведны ўказ нумар 31 кіраўнік дзяржавы падпісаў 29 студзеня, паведамілі БЕЛТА ў прэс-службе беларускага лідара.

Дакументам таксама прадугледжана магчымасць выкарыстання такіх форм міжнародных разлікаў, як міжбанкаўскі крэдыт банку пакупніка, экспартны дакументарны акрэдытыў з постфінансаваннем, якія для ўсіх удзельнікаў знешнегандлёвых аперацый з'яўляюцца стандартнымі і простымі інструментамі, рэгулююцца правіламі і прынцыпамі міжнароднага права.

Чакаецца, што нормы ўказа акажуць садзейнічанне экспарту беларускай прадукцыі і дадуць магчымасць ажыццяўляць продажы на новых рынках далёкага замежжа.

версія для друку

зрабіць стартавай

дабавіць у выбранае