Падзеі

Лукашэнка пра супрацоўніцтва з Кітаем: у 2021 годзе мы выведзем двухбаковае партнёрства на новы ўзровень

Фота з архiва

12 лютага, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Старшыню Кітайскай Народнай Рэспублікі Сі Цзіньпіна з традыцыйным Святам Вясны. Аб гэтым БЕЛТА паведамілі ў прэс-службе беларускага лідара.

Кіраўнік беларускай дзяржавы адзначыў, што дзякуючы дальнабачнасці і эфектыўнай сацыяльна-эканамічнай палітыцы Кітай у 2020 годзе поўнасцю пазбавіўся ад беднасці і фактычна дасягнуў першай з "мэт двух стагоддзяў" - пабудовы грамадства сярэдняга дастатку.

"Уражальныя поспехі ў барацьбе з каранавіруснай інфекцыяй чарговы раз прадэманстравалі ўсяму свету, што моцны і сучасны Кітай здольны абараніць народ і сваю дзяржаўнасць", - гаворыцца ў віншаванні.

Прэзідэнт высока ацаніў падтрымку і своечасовую дапамогу, аказаныя ў няпросты перыяд Беларусі кітайскім бокам, адзначыўшы, што яны дарагога варты. "Запэўніваю вас, што і Кітай заўсёды можа разлічваць на Беларусь. Наша дружба вытрымала многія выпрабаванні, якія мы пераадольваем разам, таму па праву называем сябе "жалезнымі братамі", - падкрэсліў кіраўнік дзяржавы. - Упэўнены, што ў 2021 годзе мы выведзем двухбаковае партнёрства на новы ўзровень, прадоўжым сумесную работу па выбудоўванні міжнародных адносін у духу павагі, роўнасці, справядлівасці і ўзаемавыгаднага супрацоўніцтва".

Аляксандр Лукашэнка падзякаваў Сі Цзіньпіну за асабісты ўклад у развіццё саюзніцкіх сувязей паміж Пекінам і Мінскам, пажадаў яму добрага здароўя і шчасця, а вялікаму кітайскаму народу - поспехаў і дабрабыту.

версія для друку

зрабіць стартавай

дабавіць у выбранае