Падзеі

Лукашэнка павіншаваў з днём нараджэння Каталікоса ўсіх армян Гарэгіна Другога

Гарэгін Другі. Фота analitik.am

21 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў з днём нараджэння Вярхоўнага Патрыярха Каталікоса ўсіх армян Гарэгіна Другога. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы адзначыў, што на працягу многіх стагоддзяў Армянская апостальская царква адыгрывала важную ролю ў фарміраванні хрысціянскіх каштоўнасцей усяго свету, і яны сталі ключавымі складнікамі нацыянальнай ідэнтычнасці армянскага народа, дапамаглі яму захаваць свае старажытныя традыцыі і багацейшую культуру.

"Шматгадовае архіпастырскае служэнне здабыла Вам заслужаны аўтарытэт у Арменіі і за яе межамі. Шчырая дружба паміж нашымі народамі, заснаваная на духоўнай блізкасці, заўсёды была і будзе фундаментам паўнацэннага дыялогу паміж Мінскам і Ерэванам", - гаворыцца ў віншаванні.

версія для друку

зрабіць стартавай

дабавіць у выбранае