Падзеі

Лукашэнка павіншаваў Прэзідэнта Венесуэлы Нікаласа Мадуру з днём нараджэння

23 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Венесуэлы Нікаласа Мадуру з днём нараджэння, паведамілі БЕЛТА ў прэс-службе беларускага лідара.

"Дзякуючы вашым прафесійным і асабістым якасцям, жыццёваму вопыту і самаадданай працы на пасадзе Прэзідэнта Венесуэла прадаўжае ісці ўласным шляхам развіцця, з годнасцю адстойваючы суверэнітэт і незалежнасць", - гаворыцца ў віншаванні.

Кіраўнік дзяржавы адзначыў плённы характар супрацоўніцтва Мінска і Каракаса, непарушны фундамент якога быў закладзены ў часы Уга Чавеса. Аляксандр Лукашэнка падкрэсліў, што нядаўні візіт у Беларусь яго брата, спецыяльнага пасланніка Прэзідэнта Венесуэлы Адана Чавеса прадэманстраваў зацікаўленасць абодвух бакоў у аднаўленні маштабных інтэнсіўных адносін.

"Упэўнены, што традыцыйна дружалюбныя сувязі паміж нашымі народамі і ўзаемадапаўняльнасць эканомік дадуць магчымасць у самы кароткі тэрмін значна актывізаваць узаемадзеянне па шырокім спектры напрамкаў. Удзячны за салідарнасць Венесуэлы з Беларуссю і непахісную падтрымку на міжнародных пляцоўках, асабліва па лініі ААН. Няма сумненняў, што разам мы зможам процістаяць любым выклікам і пагрозам", - выказаў упэўненасць Прэзідэнт.

версія для друку

зрабіць стартавай

дабавіць у выбранае