Падзеі

Лукашэнка павіншаваў Прэзідэнта Расіі Уладзіміра Пуціна з днём нараджэння

Фота з архiва

7 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Расіі Уладзіміра Пуціна з днём нараджэння. Аб гэтым БЕЛТА паведамілі ў прэс-службе беларускага лідара.

"Вашы глыбокае разуменне гістарычнай місіі Расіі, асабістая адказнасць за лёс народа і Айчыны сталі надзейным залогам умацавання яе дзяржаўнасці і суверэнітэту, нарошчвання сацыяльна-эканамічнага патэнцыялу і міжнароднага аўтарытэту", - гаворыцца ў віншаванні.

Прэзідэнт падкрэсліў, што ў Беларусі высока цэняць паслядоўную цвёрдую пазіцыю Уладзіміра Пуціна і яго прынцыповы настрой на далейшае развіццё беларуска-расійскіх адносін саюзніцтва і стратэгічнага партнёрства, якія садзейнічалі значнай актывізацыі эканамічнай інтэграцыі.

"Упэўнены, разам нам удасца адкрыць новыя гарызонты і намеціць перспектыўныя напрамкі супрацоўніцтва, якія адпавядаюць сучасным выклікам і забяспечваюць пашырэнне шматпланавых сувязей паміж нашымі краінамі", - падкрэсліў кіраўнік дзяржавы.

Аляксандр Лукашэнка пажадаў Уладзіміру Пуціну добрага здароўя і даўгалецця, шчасця і поспехаў у дзяржаўнай дзейнасці на карысць расійскага народа і Расіі.

версія для друку

зрабіць стартавай

дабавіць у выбранае