Падзеі

20 верасня, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка павіншаваў удзельнікаў Міжнароднай асацыяцыі акадэмій навук з 25-годдзем яе дзейнасці, паведамілі БЕЛТА ў прэс-службе беларускага лідара.

"Чвэрць стагоддзя таму акадэміі маладых незалежных рэспублік аб'ядналіся з мэтай зберагчы лепшую спадчыну савецкага мінулага, - гаворыцца ў віншаванні. - Сёння вашы дасягненні - прадмет гонару і аснова пабудовы моцных еўразійскіх дзяржаў. Усе гэтыя гады вы паспяхова працуеце на карысць сваіх народаў і супрацоўнічаеце, застаючыся вернымі навуцы. Сваім прыкладам паказваеце, што яе прызначэнне - быць вышэй за геапалітычныя інтарэсы і садзейнічаць кансалідацыі грамадства, захаванню міру на Зямлі".

Аляксандр Лукашэнка перакананы, што Мінск стане новай інтэграцыйнай пляцоўкай, дзе ўдзельнікі асацыяцыі змогуць весці канструктыўныя перагаворы, развіваць міжакадэмічныя сувязі, выпрацоўваць далейшыя шляхі ўзаемадзеяння не толькі вядомых, але і маладых вучоных.