Падзеі
Лукашэнка павіншаваў Эрдагана з паспяховым правядзеннем рэферэндуму па змяненні Канстытуцыі
17 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Турцыі Рэджэпа Таіпа Эрдагана з паспяховым правядзеннем усенароднага рэферэндуму па ўнясенні змяненняў у Канстытуцыю краіны. Аб гэтым БЕЛТА паведамілі ў прэс-службе беларускага лідара.
"Выказаўшыся за канстытуцыйную рэформу, турэцкі народ падтрымаў намаганні дзеючай улады, накіраваныя на дасягненне эканамічнага росту, палітычнай стабільнасці і міру ў дзяржаве. Упэўнены, што прынятае на рэферэндуме рашэнне будзе садзейнічаць далейшаму ўмацаванню суверэнітэту і незалежнасці Турцыі", - гаворыцца ў віншаванні.
Аляксандр Лукашэнка разлічвае, што сумеснымі намаганнямі Беларусь і Турцыя будуць і далей паслядоўна ўмацоўваць двухбаковае партнёрства ў інтарэсах сваіх народаў.
версія для друку
зрабіць стартавай
дабавіць у выбранае