Падзеі

Лукашэнка павіншаваў Эгілса Левітса з выбраннем на пасаду Прэзідэнта Латвіі

Эгілс Левітс. Фота LETA

30 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Эгілса Левітса з выбраннем на пасаду Прэзідэнта Латвійскай Рэспублікі. Аб гэтым БЕЛТА паведамілі ў прэс-службе беларускага лідара.

"Дзякуючы доўгай гісторыі мірнага суіснавання нашы краіны маюць шмат магчымасцей для паглыблення супрацоўніцтва ў розных галінах", - гаворыцца ў віншаванні.

Аляксандр Лукашэнка выказаў упэўненасць, што далейшае развіццё беларуска-латвійскіх сувязей будзе служыць умацаванню даверу і ўзаемаразумення, а таксама бяспекі і стабільнасці ў Еўрапейскім рэгіёне.

Кіраўнік дзяржавы пажадаў Эгілсу Левітсу здароўя і поспехаў на гэтай адказнай пасадзе, а жыхарам Латвіі - міру і дабрабыту.

версія для друку

зрабіць стартавай

дабавіць у выбранае