Падзеі
Лукашэнка павіншаваў Чан Дай Куанга з 25-годдзем устанаўлення дыпламатычных адносін паміж Беларуссю і В'етнамам
24 студзеня, Мінск /Кар. БЕЛТА/. Прэзідэнт Рэспублікі Беларусь Аляксандр Лукашэнка ад імя беларускага народа і сябе асабіста павіншаваў Прэзідэнта Сацыялістычнай Рэспублікі В'етнам Чан Дай Куанга з 25-годдзем устанаўлення дыпламатычных адносін паміж Беларуссю і В'етнамам.
"Прыемна адзначыць, што за гэты перыяд мы пабудавалі трывалую сістэму ўсебаковага супрацоўніцтва, заснаваную на адкрытасці, даверы і раўнапраўным узаемадзеянні", - гаворыцца ў віншаванні.
Аляксандр Лукашэнка перакананы, што традыцыйна дружалюбныя адносіны паміж Беларуссю і В'етнамам будуць і далей умацоўвацца і развівацца на карысць абодвух народаў.
Кіраўнік беларускай дзяржавы пажадаў Чан Дай Куангу новых высокіх дасягненняў, моцнага здароўя і даўгалецця, а народу В'етнама - поспехаў і дабрабыту.
версія для друку
зрабіць стартавай
дабавіць у выбранае