Падзеі

Лукашэнка павіншаваў Абдэль Фатаха аль-Сісі з перамогай на прэзідэнцкіх выбарах і запрасіў яго ў Беларусь

Абдэль Фатах аль-Сісі. Фота з архіва

19 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Егіпта Абдэль Фатаха аль-Сісі з пераканаўчай перамогай на прэзідэнцкіх выбарах. Аб гэтым БЕЛТА паведамілі ў прэс-службе беларускага лідара.

"Дзякуючы Вашай палітыцы Егіпет можа ганарыцца значнымі дасягненнямі ў сацыяльна-эканамічным развіцці. Краіна рэалізуе маштабныя нацыянальныя праекты, у тым ліку ў сферах аховы здароўя, адукацыі, інфраструктуры. У арабскім свеце вы нязменна застаяцеся маяком стабільнасці і ўстойлівасці", - гаворыцца ў віншаванні.

Прэзідэнт падкрэсліў, што ў адпаведнасці з дамоўленасцямі, дасягнутымі ў час двухбаковых сустрэч, разлічвае на паспяховае прадаўжэнне супрацоўніцтва з Егіптам па ўсіх важных для абедзвюх краін напрамках.

"Буду рады вітаць Вас у Беларусі ў любы зручны час для прадаўжэння нашага шчырага і плённага дыялогу, вызначэння перспектыўных напрамкаў далейшага ўзаемадзеяння", - дадаў беларускі лідар.

Аляксандр Лукашэнка пажадаў Абдэль Фатаху аль-Сісі моцнага здароўя, дабрабыту і поспехаў у ажыццяўленні ўсіх планаў на самай высокай дзяржаўнай пасадзе.

версія для друку

зрабіць стартавай

дабавіць у выбранае