Падзеі

Лукашэнка пацвердзіў інтарэс Беларусі да актывізацыі ўзаемадзеяння з Кеніяй па многіх напрамках

Кіраўнік беларускай дзяржавы Аляксандр Лукашэнка ў Кеніі 10 снежня правёў сустрэчу з Прэзідэнтам Уільямам Рута

12 снежня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Кеніі Уільяма Рута і жыхароў гэтай краіны з нацыянальным святам. Аб гэтым БЕЛТА паведамілі ў прэс-службе кіраўніка дзяржавы.

"У гэтым годзе Кенія адзначае 60-годдзе з дня набыцця незалежнасці. За гэты перыяд многае дасягнута. У першую чаргу ўдалося істотна ўмацаваць свой суверэнітэт і дзяржаўныя інстытуты, - гаворыцца ў віншаванні. - Дзяржава карыстаецца высокім аўтарытэтам на міжнароднай арэне і адыгрывае важную ролю ў вырашэнні актуальных пытанняў рэгіянальнага парадку дня".

Гісторыя адносін паміж Мінскам і Найробі налічвае не адно дзесяцігоддзе, заўважыў беларускі лідар. "Мы пацвярджаем зацікаўленасць у актыўным развіцці дагаворна-прававой базы, супрацоўніцтва ў сферах механізацыі сельскай гаспадаркі, прамысловай кааперацыі, гандлю, інфармацыйных тэхналогій, аховы здароўя і адукацыі, турызму", - падкрэсліў Прэзідэнт.

Аляксандр Лукашэнка пажадаў Уільяму Рута шчасця і ажыццяўлення планаў, а народу Кеніі - працвітання і светлай будучыні.

версія для друку

зрабіць стартавай

дабавіць у выбранае