Падзеі

Лукашэнка назваў галоўную задачу для любога кіраўніка

19 красавіка, Мінск /Кар. БЕЛТА/. Задача любога кіраўніка - выканаць усе абяцанні, дадзеныя народу. Аб гэтым заявіў сёння Прэзідэнт Беларусі Аляксандр Лукашэнка ў Пасланні беларускаму народу і Нацыянальнаму сходу, перадае карэспандэнт БЕЛТА.

"Канкрэтны чалавек, канкрэтная праблема, канкрэтнае рашэнне. Кожны дзень. Усе абяцанні, дадзеныя народу, павінны быць выкананы. У гэтым формула нашых паводзін, - сказаў Аляксандр Лукашэнка. - Гэта задача для любога без выключэння кіраўніка".

Прэзідэнт падкрэсліў, што асноўныя напрамкі развіцця галін, найбольш блізкіх людзям (жыллёвай і камунальнай гаспадаркі, будаўніцтва, аграпрамысловага комплексу), вызначаны ў дакументах самага высокага ўзроўню - дырэктывах. "Гэта я адказваю на тыя прапановы, якія ўвесь час гучаць у сродках масавай інфармацыі, у размовах, перагаворах і сацыялагічных апытаннях, - адзначыў Аляксандр Лукашэнка. - Мала таго, што мы правялі сур'ёзныя мерапрыемствы на ўзроўні Прэзідэнта па ўсіх гэтых пытаннях з мэтай выпрацоўкі канкрэтных рашэнняў, я палічыў неабходным падпісаць дырэктывы па ўсіх іх. Яны абавязковыя да выканання, як закон".

Праводзімая апошнія два гады работа стварыла ўнікальныя магчымасці для эканамічнага развіцця ўсіх сфер грамадства - ад самазанятасці да высокіх тэхналогій.

версія для друку

зрабіць стартавай

дабавіць у выбранае