Падзеі

11 ліпеня, Аршанскі раён /Уладзімір Мацвееў - БЕЛТА/. Прэзідэнт Беларусі Аляксандр Лукашэнка зробіць сёння рабочую паездку ў Віцебскую вобласць, у час якой наведае ААТ "Аршанскі авіярамонтны завод", паведамілі БЕЛТА ў прэс-службе беларускага лідара.

Кіраўніку дзяржавы даложаць аб стане вытворчай і фінансава-гаспадарчай дзейнасці прадпрыемства, перспектывах яго развіцця. Аляксандр Лукашэнка азнаёміцца з тэхналагічнымі працэсамі рамонту авіяцыйнай тэхнікі.

Гісторыя Аршанскага авіярамонтнага завода бярэ свой пачатак з ліпеня 1941 года - часу фарміравання другога авіярамонтнага поезда Ваенна-паветраных сіл Балтыйскага флоту. Са снежня 1956 года ён атрымаў новае месца дыслакацыі на аэрадроме Балбасава ў Аршанскім раёне. Асноўныя віды дзейнасці прадпрыемства - капітальны рамонт і мадэрнізацыя ваеннай і грамадзянскай авіяцыйнай тэхнікі, уключаючы розныя мадыфікацыі верталётаў Мі-8 (Мі-17), Мі-24 (Мі-35), а таксама рамонт абсталявання, камплектуючых, агрэгатаў і кантрольна-праверачнай апаратуры. Асвойваецца рамонт верталётаў тыпу Мі-26 і самалётаў тыпу L-39.