Падзеі

Лукашэнка: настаў час вывесці ўзаемнае партнёрства з Маўрытаніяй на якасна новы ўзровень

Фота з архiва

28 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Ісламскай Рэспублікі Маўрытанія Махамеда ульд Газвані з Днём Незалежнасці. Аб гэтым БЕЛТА паведамілі ў прэс-службе беларускага лідара.

"Гэта дата назаўсёды звязана з вызваленнем маўрытанскага народа ад ярма каланіялізму і ўступленнем у новую эру развіцця. Зараз Маўрытанія трымае курс на ўмацаванне сваёй эканомікі, з'яўляецца ўдзельнікам рэгіянальных і глабальных працэсаў", - гаворыцца ў віншаванні.

Кіраўнік дзяржавы адзначыў, што сёлета споўнілася 20 гадоў з моманту ўсталявання двухбаковых дыпламатычных адносін і, паводле яго слоў, надышоў час вывесці ўзаемнае партнёрства на якасна новы ўзровень.

Прэзідэнт таксама пацвердзіў сваё запрашэнне лідару Маўрытаніі наведаць Беларусь. "Упэўнены, вынікі нашых перагавораў і Ваша асабістае знаёмства з беларускімі вопытам і кампетэнцыямі ў прамысловасці, сельскай гаспадарцы, ахове здароўя, будаўніцтве, адукацыі, медыцыне стануць пазітыўным сігналам для дзелавых колаў абедзвюх краін і дапамогуць пашырыць узаемадзеянне паміж Беларуссю і Заходняй Афрыкай", - падкрэсліў кіраўнік дзяржавы.

Аляксандр Лукашэнка пажадаў Махамеду ульд Газвані моцнага здароўя і поспехаў, а дружалюбнаму народу Маўрытаніі - міру і прагрэсу.

версія для друку

зрабіць стартавай

дабавіць у выбранае