Падзеі

Прэзідэнт прыме ўдзел у пасяджэнні Савета кіраўнікоў дзяржаў - удзельніц СНД, якое адбудзецца 16 верасня ў Бішкеку.

Парадак дня пасяджэння ўключае каля 15 пытанняў. Лідары краін СНД разгледзяць рэалізацыю ў 2017 годзе міждзяржаўнай праграмы "Культурныя сталіцы Садружнасці" ў Азербайджане, праграму супрацоўніцтва ў барацьбе з тэрарызмам і іншымі насільнымі праявамі экстрэмізму на 2017-2019 гады, канвенцыю аб міжрэгіянальным супрацоўніцтве і іншыя пытанні.

Асаблівую ўвагу кіраўнікі дзяржаў звернуць на адаптацыю Садружнасці да сучасных рэалій.

Як чакаецца, на пасяджэнні будзе прыняты шэраг заяў, у тым ліку ў сувязі з 25-годдзем СНД.