Падзеі
Лукашэнка накіраваў спачуванне Шарыфу ў сувязі з тэрактамі ў Квеце і Парачынары
24 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка выказаў спачуванні прэм'ер-міністру Пакістана Навазу Шарыфу і сем'ям загінулых у выніку тэрарыстычных актаў у Квеце і Парачынары 23 чэрвеня. Аб гэтым БЕЛТА паведамілі ў прэс-службе беларускага лідара.
"Смутак і боль прынесла навіна аб чарговых нападзеннях тэрарыстаў на мірных жыхароў, - гаворыцца ў спачуванні. - Упэўнены, што такія ўчынкі не перашкодзяць выбрану кіраўніцтвам Пакістана курсу на ўмацаванне міру, бяспекі і спакою ў краіне, не зламаюць дух адзінства нацыі".
Кіраўнік дзяржавы падкрэсліў, што грамадства рашуча асуджае ідэі, якія праз свае бязлітасныя злачынствы нясуць іх аўтары-фанатыкі.
Аляксандр Лукашэнка выказаў словы салідарнасці з пакістанскім народам, адзначыўшы, што разам з усім беларускім народам шчыра спачувае сем'ям загінулых і жадае выздараўлення пацярпелым.
версія для друку
зрабіць стартавай
дабавіць у выбранае