Падзеі

Лукашэнка накіраваў спачуванне Прэзідэнту Філіпін у сувязі з тэрактам у горадзе Хола

Месца здарэння. Фота Global Look Press

28 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў спачуванне Прэзідэнту Філіпін Радрыгу Дутэртэ ў сувязі з чалавечымі ахвярамі ў выніку ўзрываў у час службы ў каталіцкім саборы ў горадзе Хола. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы адзначыў, што ў Беларусі даведаліся аб здарэнні з глыбокім болем і смуткам. "Мы асуджаем любыя праявы тэрарызму. Бязлітаснае забойства людзей - гэта злачынства, якому ніколі не будзе даравання", - падкрэсліў беларускі лідар.

Ад імя беларускага народа і сябе асабіста Аляксандр Лукашэнка таксама выказаў шчырыя спачуванні родным і блізкім загінулых, пажадаў хутчэйшага выздараўлення пацярпелым.

версія для друку

зрабіць стартавай

дабавіць у выбранае