Падзеі

Лукашэнка: МЗС Беларусі і ў далейшым застанецца на перадавой барацьбы за суверэнітэт і рэальную незалежнасць

18 студзеня, Мінск /Уладзімір Мацвееў - БЕЛТА/. Стагоддзе беларускай дыпламатычнай службы, пачатак якой быў пакладзены ў студзені 1919 года, з'яўляецца важнай гістарычнай вяхой для нашай Беларусі. Аб гэтым гаворыцца ў віншаванні, якое кіраўнік дзяржавы Аляксандр Лукашэнка адрасаваў работнікам дыпламатычнай службы з нагоды маючага адбыцца юбілею.

Тэкст віншавання на ўрачыстым мерапрыемстве ў Нацыянальным акадэмічным Вялікім тэатры оперы і балета агучыў прэм'ер-міністр Сяргей Румас.

Прэзідэнт у віншаванні адзначыў, што за перыяд работы беларускай дыпслужбы адбылося мноства знакавых падзей. Самыя яркія сярод іх - падпісанне ў 1945 годзе Статута ААН і ўваходжанне Беларусі ў склад заснавальнікаў Арганізацыі Аб'яднаных Нацый.

"Развіццё нацыянальнай дыпламатыі непарыўна звязана са станаўленнем беларускай дзяржаўнасці, вырашэннем задач па забеспячэнні раўнапраўнай інтэграцыі нашай краіны ў сусветную палітычную, эканамічную, навуковую, культурную і інфармацыйную прастору, - гаворыцца ў віншаванні. - За гады незалежнасці Рэспубліка Беларусь дабілася значных дасягненняў на сусветнай арэне: захавала і ўмацавала традыцыйныя сувязі, пашырыла кола замежных партнёраў і саюзнікаў, стала ўдзельнікам інтэграцыйных праектаў, многіх аб'яднальных міжнародных ініцыятыў, адкрыла і асвоіла новыя перспектыўныя рынкі, зарэкамендавала сябе як донар рэгіянальнай бяспекі".

Аляксандр Лукашэнка падкрэсліў, што ў гэтых дасягненнях немалая заслуга дыпламатаў, якія сваёй напружанай працай, высокім прафесіяналізмам і адказным падыходам да справы вы не раз пацвярджалі здольнасць эфектыўна абараняць законныя інтарэсы Беларусі, правы і свабоды яе грамадзян за мяжой.

Кіраўнік дзяржавы выказаў перакананне, што Міністэрства замежных спраў і ў далейшым застанецца на перадавой барацьбы за суверэнітэт і рэальную незалежнасць, павышэнне ролі Беларусі ў свеце.

Прэзідэнт павіншаваў супрацоўнікаў МЗС і загранустаноў Беларусі са знамянальным юбілеем і пажадаў ім моцнага здароўя, шчасця і поспехаў у дзейнасці на карысць Радзімы. Асаблівыя словы ўдзячнасці ён адрасаваў ветэранам дыпламатычнай службы, якія ўнеслі значны ўклад у развіццё беларускай дыпламатыі, з'яўляючыся прыкладам служэння Айчыне.

версія для друку

зрабіць стартавай

дабавіць у выбранае