Падзеі

Лукашэнка лічыць важным узмацненне кааперацыі з Анголай. Гэтага патрабуюць выклікі сучаснасці

Фота з архiва

11 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Рэспублікі Ангола Жаау Лаўрэнсу з нацыянальным святам - Днём Незалежнасці. Аб гэтым БЕЛТА паведамілі ў прэс-службе беларускага лідара.

"На працягу сваёй гісторыі ангольцы мужна пераадольвалі ўсе выпрабаванні, выбіраючы самастойны шлях развіцця. Перамога Народнага руху за вызваленне Анголы на жнівеньскіх выбарах яскрава сведчыць аб падтрымцы нацыяй курсу на далейшае ўмацаванне дзяржаўных інстытутаў і эканомікі", - гаворыцца ў віншаванні.

Кіраўнік дзяржавы выказаў упэўненасць, што выклікі сучаснасці патрабуюць больш цеснай кааперацыі ад абедзвюх краін. "Значны напрацаваны вопыт Беларусі ў галінах сельскай гаспадаркі, машынабудавання, нафтахіміі, медыцыны і лічбавых тэхналогій можа стаць асновай для істотнага пашырэння двухбаковага супрацоўніцтва", - падкрэсліў Прэзідэнт.

Аляксандр Лукашэнка пажадаў Жаау Лаўрэнсу моцнага здароўя і новых поспехаў на адказнай дзяржаўнай пасадзе, а народу Анголы - міру, згоды і працвітання.

версія для друку

зрабіць стартавай

дабавіць у выбранае