Падзеі

Лукашэнка: беларусы не агрэсары, але мы будзем усяляк падтрымліваць Расію

9 мая, Мінск /Кар. БЕЛТА/. У Захаду не атрымаецца разарваць і раз'яднаць Беларусь і Расію. Аб гэтым Прэзідэнт Беларусі Аляксандр Лукашэнка заявіў на цырымоніі ўскладання вянкоў да манумента Перамогі з выпадку 77-й гадавіны Вялікай Перамогі, перадае карэспандэнт БЕЛТА.

Паводле слоў Прэзідэнта, еўрапейскія і амерыканскія сродкі масавай інфармацыі прадаўжаюць нацкоўваць сваю аўдыторыю на Расію і Беларусь, фарміруючы ў свядомасці лжывы вобраз агрэсара. "Ім трэба нарэшце разабрацца з нашым адзінствам - апошняй апорай нашай цывілізацыі", - заявіў кіраўнік дзяржавы.

"Ці не час пачуць адзін аднаго і спыніцца? Ніхто ж з вас не хоча вайны, але еўрапейскія сталіцы зрабілі ўсё, каб яна адбылася, - звярнуўся Прэзідэнт да жыхароў краін Захаду. - Цяпер ужо ні для каго не сакрэт, што ўвесь заходні свет ваюе супраць Расіі ва Украіне. А нас папракаюць у тым, што мы падтрымліваем Расію. Абдумайцеся!Беларусы не маюць ні юрыдычнага, ні маральнага права не падтрымліваць Расію. Мы заўсёды былі разам, мы заўсёды былі адзіныя. І што б вы ні рабілі, якія б стрэлы ні кідалі ў наш бок, у вас не атрымаецца нас разарваць на кавалкі і раз'яднаць".

"Не патрэбны ніякія рэзалюцыі Арганізацыі Аб'яднаных Нацый, каб зразумець, што калі ты пастаўляеш каму-небудзь зброю, прадаеш або проста дорыш, як цяпер ва Украіне, калі ты натоўпамі пастаўляеш туды наёмнікаў, падтрымліваеш у гэтай гібрыднай інфармацыйнай вайне, то ты далёка не пабочны наглядальнік. І не трэба пераводзіць стрэлкі на нас. Амаль 50 дзяржаў згуртаваліся сёння на Захадзе супраць адной Расіі. Таму нас папракаць не трэба, таму што мы адны з Расіяй. Нас не 50. Хачу, каб усе мяне яшчэ раз на Захадзе пачулі: беларусы не агрэсары. Але, застаючыся саюзнікам і стратэгічным партнёрам брацкай Расіі, мы будзем яе ўсяляк падтрымліваць", - падкрэсліў Аляксандр Лукашэнка.

версія для друку

зрабіць стартавай

дабавіць у выбранае