Падзеі

"Зразумейце, кожны допінгавы камень у наш агарод больш не разглядаецца як адзінкавы выпадак. Усе спрабуюць скласці гэта ў сістэму. Як зрабілі з Расіяй. А значыць, мы павінны быць разумнейшыя, больш празрыстыя, каб ніхто не паставіў пад сумненне нашу чыстату", - сказаў Аляксандр Лукашэнка.

Прэзідэнт заўважыў, што барацьбе з допінгам сёння ў свеце надаецца вялікая ўвага. Міжнародны спорт ужо які год трасе ад допінгавых скандалаў. "На жаль, нас гэтыя праблемы таксама закранулі. Незразумелая мітусня с медыкаментамі, мельдоніем, пазбаўленне беларускіх атлетаў медалёў Пекіна і Лондана моцна ўдарылі па нашым аўтарытэце. Тут патрэбна зладжаная, спланаваная работа па прафілактыцы гэтага зла", - заявіў кіраўнік дзяржавы.