Падзеі

Лукашэнка: Беларусь выступае за больш эфектыўнае выкарыстанне стваральнага патэнцыялу СНД

28 верасня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў прывітанне ўдзельнікам міжнароднай навукова-практычнай канферэнцыі "30 гадоў Садружнасці Незалежных Дзяржаў: вынікі, перспектывы". Аб гэтым БЕЛТА паведамілі ў прэс-службе беларускага лідара.

"Сімвалічна, што старшынства Беларусі, якая стаяла ля вытокаў стварэння і прымала самы актыўны ўдзел у станаўленні інтэграцыйнага аб'яднання, праходзіць у яго юбілейны год", - гаворыцца ў прывітанні.

Кіраўнік дзяржавы канстатаваў, што СНД адбылася як сучасная міжнародная рэгіянальная арганізацыя і ўнікальная дыялогавая пляцоўка, якая ўлічвае інтарэсы краін-удзельніц. Беларускі лідар назваў Садружнасць прыкладам глыбокай і раўнапраўнай інтэграцыі суверэнных дзяржаў, якія захавалі гістарычныя, культурныя і роднасныя сувязі паміж народамі.

"Беларусь нязменна цвёрда стаіць на пазіцыі далейшага ўмацавання эканамічных, дыпламатычных і гуманітарных адносін у рамках СНД, больш эфектыўнага выкарыстання іх стваральнага патэнцыялу", - падкрэсліў Аляксандр Лукашэнка.

Прэзідэнт пажадаў удзельнікам канферэнцыі поспехаў у выпрацоўцы новых перспектыўных напрамкаў міждзяржаўнага ўзаемадзеяння на карысць краін і народаў СНД.

версія для друку

зрабіць стартавай

дабавіць у выбранае