Падзеі

Лукашэнка: Беларусь будзе садзейнічаць абмену целамі і палоннымі паміж Расіяй і Украінай

Фота з архiва

26 кастрычніка, Мінск /Кар. БЕЛТА/. Беларусь прадоўжыць удзельнічаць у арганізацыі абмену целамі і палоннымі паміж Расіяй і Украінай. Аб гэтым Прэзідэнт Беларусі Аляксандр Лукашэнка заявіў у інтэрв'ю журналістам "Цэнтральнага тэлебачання" на НТБ на палях саміту БРІКС у Казані, паведамляе БЕЛТА.

Аляксандр Лукашэнка заявіў, што пэўныя кантакты паміж Беларуссю і Украінай захоўваюцца. Прэзідэнт растлумачыў, што ў СМІ мільгаюць навіны аб пасрэдніцтве ААЭ ў абмене целамі і ваеннапалоннымі паміж Расіяй і Украінай, але сам працэс арганізаваны пры непасрэдным удзеле беларусаў. "Гэта ўсё адбываецца на нашай тэрыторыі. Гэта ўсё адбываецца нашымі рукамі", - сказаў кіраўнік дзяржавы.

Ён нагадаў, што апошнія такія абмены адбыліся літаральна нядаўна. "І далей, калі расіяне гэтага захочуць (украінцы хочуць), мы будзем садзейнічаць гэтаму працэсу. Гэта значыць ва ўкраінскага боку няма непрымання таго, што яны будуць працаваць з намі і практычна на нашай тэрыторыі. Мы гэту гуманітарную місію выконваем і будзем выконваць, у тым ліку і па дзецях - упаўнаважаны іх, упаўнаважаны ваш па правах дзіцяці, наш упаўнаважаны і дэпутаты нашага парламента ў гэта ўключаны. Я гэта падтрымліваю", - падкрэсліў беларускі лідар.

"Таму ў нас нармальныя з імі (украінцамі. - Заўвага БЕЛТА) кантакты, мы можам перадаць ім любы сігнал. Калі ў іх ёсць пытанні, яны могуць іх задаць нам і могуць праз нас перадаць нейкія пытанні Расійскай Федэрацыі, перш за ўсё ваенным. Калі ёсць такія пытанні, мы перадаём адразу ж", - дадаў Аляксандр Лукашэнка.

На адпаведныя кантакты, паводле яго слоў, упаўнаважаны некаторыя дэпутаты, дыпламаты і ваенныя. "Усё, на што ўкраінцы згодны", - сказаў Прэзідэнт.

версія для друку

зрабіць стартавай

дабавіць у выбранае