Падзеі

Лукашэнка: Беларусь і Ліван павінны надаць супрацоўніцтву ўстойлівую дадатную дынаміку

22 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Лівана Мішэля Наіма Ауна з Днём Незалежнасці. Аб гэтым БЕЛТА паведамілі ў прэс-службе беларускага лідара.

"Упэўнены, што ў хуткім часе Ліван зможа паспяхова вырашыць важнейшыя задачы ў сацыяльна-эканамічнай галіне на карысць свайго народа. Беларусь гатова аказаць ліванскім сябрам неабходную падтрымку", - гаворыцца ў віншаванні.

Кіраўнік дзяржавы адзначыў, што адносіны паміж Мінскам і Бейрутам не маюць ніякіх перашкод для актыўнага плённага развіцця. "Сумесна нам па сілах вывесці беларуска-ліванскае супрацоўніцтва на ўзровень, які адпавядаў бы патэнцыялу нашых дзяржаў, надаць двухбаковаму ўзаемадзеянню ўстойлівую дадатную дынаміку", - падкрэсліў Аляксандр Лукашэнка.

версія для друку

зрабіць стартавай

дабавіць у выбранае