Падзеі

Лукашэнка: Беларусь і Арменія нацэлены на эфектыўнае партнёрства ва ўсіх сферах

Армен Саркісян і Аляксандр Лукашэнка. Фота з архіва

21 верасня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Арменіі Армена Саркісяна і прэм'ер-міністра Арменіі Нікола Пашыняна з Днём Незалежнасці. Аб гэтым БЕЛТА паведамілі ў прэс-службе кіраўніка дзяржавы.

У віншаванні Армену Саркісяну гаворыцца, што, абапіраючыся на трывалыя традыцыі дружбы і прынцыпы ўзаемавыгаднага партнёрства, Беларусь і Арменія паслядоўна нарошчваюць палітычнае, гандлёва-эканамічнае і гуманітарнае супрацоўніцтва.

"Нашы краіны звязваюць трывалыя дружалюбныя адносіны, узаемная нацэленасць на развіццё канструктыўнага палітычнага дыялогу і эфектыўнага партнёрства ва ўсіх сферах", - адзначыў Аляксандр Лукашэнка ў віншаванні Ніколу Пашыняну.

Прэзідэнт Беларусі выказаў упэўненасць, што далейшая сумесная работа дасць магчымасць забяспечыць дадатную дынаміку двухбаковых гандлёва-эканамічных сувязей, рэалізацыю новых узаемавыгадных праектаў і раскрыццё патэнцыялу супрацоўніцтва ў рамках Еўразійскага эканамічнага саюза.

версія для друку

зрабіць стартавай

дабавіць у выбранае