Падзеі

Лукашэнка адразу ў полі ўзгадніў назначэнне новага кіраўніка Петрыкаўскага раёна

3 жніўня, Петрыкаўскі раён /Кар. БЕЛТА/. Прэзідэнт Беларусі Аляксандр Лукашэнка адразу ў полі ў ходзе рабочай паездкі ў Петрыкаўскі раён узгадніў назначэнне новага старшыні райвыканкама. Ім стане дырэктар СУП "Палессе-Аграінвест" Аляксандр Верамееў, перадае карэспандэнт БЕЛТА.

"Давайце аб галоўным. Ты хочаш, каб ён працаваў старшынёй райвыканкама?" - звярнуўся Аляксандр Лукашэнка з пытаннем да старшыні Гомельскага аблвыканкама Івана Крупко.

Кіраўнік рэгіёна адказаў сцвярджальна.

"Справіцца?" - удакладніў кіраўнік дзяржавы.

І тут адказ быў сцвярджальным.

Аляксандр Лукашэнка ўжо ў самога Аляксандра Верамеева пацікавіўся, наколькі ён у тэме аб'яднання мясцовых гаспадарак, як ён глядзіць на гэтыя пытанні.

Абмеркаваўшы гэтыя тэхнічныя моманты, Прэзідэнт папярэдзіў, што ва ўсім раёне культура земляробства павінна быць, як у СУП "Палессе-Аграінвест".

"Добра, будзем лічыць, што з панядзелка ты старшыня райвыканкама. Але май на ўвазе - тут добрая гаспадарка. Не дай бог знішчыце. Таму паглядзі, хто будзе тут працаваць", - сказаў кіраўнік дзяржавы.

Аляксандр Лукашэнка адзначыў, што ва ўсім раёне трэба зрабіць, як у гэтай гаспадарцы. "Я ведаю яго біяграфію. Мне далажылі. Я ж не спантанна. Ён мясцовы, вырас тут. Сапраўдны паляшук, якіх я вельмі люблю і паважаю, - сказаў Прэзідэнт. - Вядома, глеба ў іх не гродзенская і не тураўская (па ўрадлівасці. - Заўвага БЕЛТА). І вось такіх людзей трэба знаходзіць, якія не ныюць, не плачуць, а працуюць на тым, што ёсць".

У правільнасці гэтага кадравага рашэння кіраўнік дзяржавы пераканаўся і ў час наведвання таварнай фермы "Турок", якая ўваходзіць у склад гаспадаркі.

"Гэта ідэальна. У кожным раёне павінны быць такія кіраўнікі, якія ведаюць тэхналогію ўтрымання жывёл, - падкрэсліў Аляксандр Лукашэнка. - Мне вельмі падабаецца гэты комплекс. Ёсць вынік, што тут вам раіць. Рабіце так, як лічыце патрэбным".

Прэзідэнт дадаў, што, калі атрымаецца, восенню ён яшчэ раз наведае Петрыкаўскі раён і азнаёміцца з работай новага кіраўніка. "Раскажаш, як ты пачаў працаваць. Паглядзі на кадры: хто застаяўся, хто хоча працаваць, хто - не. Як я заўсёды гавару, нельга разганяць людзей, нават калі ты разумееш, што іх трэба разагнаць. Трэба даць шанц чалавеку. Калі будзе патрэбна мая падтрымка, я гатовы", - заявіў кіраўнік дзяржавы.

"Трэба, каб ён вырас як мінімум да Іван Іванавіча (былога кіраўніка Мінсельгасхарча, а цяпер старшыні Гомельскага аблвыканкама Івана Крупко. - Заўвага БЕЛТА), каб мы яго назад забралі, а ён ужо разбіраўся з вобласцю", - дадаў Аляксандр Лукашэнка.

версія для друку

зрабіць стартавай

дабавіць у выбранае