Падзеі

Лукашэнка адобрыў праекты міжурадавых пагадненняў з Экватарыяльнай Гвінеяй

Фота з архiва

29 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў указы, якімі адобрыў у якасці асновы для правядзення перагавораў праекты пагадненняў з Экватарыяльнай Гвінеяй. Аб гэтым БЕЛТА паведамілі ў прэс-службе беларускага лідара.

У прыватнасці, адобраны праект міжурадавага пагаднення аб заахвочванні і ўзаемнай абароне інвестыцый. На правядзенне перагавораў па гэтым дакуменце ўпаўнаважана Міністэрства эканомікі, на падпісанне пры дасягненні дамоўленасці ў межах адобранага праекта - Міністэрства замежных спраў.

Міністэрства па падатках і зборах упаўнаважана на правядзенне перагавораў па праекце міжурадавага пагаднення аб прадухіленні двайнога падаткаабкладання і папярэджанні ўхілення ад выплаты падаткаў адносна падаткаў на даходы і маёмасць. МПЗ прадастаўлены паўнамоцтвы на падпісанне дакумента пры дасягненні дамоўленасці ў межах адобранага праекта.

Па праекце міжурадавага пагаднення аб супрацоўніцтве і ўзаемнай дапамозе ў мытных справах весці перагаворы і падпісваць дакумент пры дасягненні дамоўленасці ў межах адобранага праекта ўпаўнаважаны Дзяржаўны мытны камітэт.

версія для друку

зрабіць стартавай

дабавіць у выбранае