Падзеі
Лукашэнка адобрыў ініцыятывы Банка развіцця па падтрымцы малога і сярэдняга бізнесу
16 сакавіка, Мінск /Таццяна Паляжай - БЕЛТА/. Прэзідэнт Беларусі Аляксандр Лукашэнка адобрыў ініцыятывы Банка развіцця па падтрымцы малога і сярэдняга бізнесу. Аб гэтым ішла размова 16 сакавіка ў час даклада кіраўніку дзяржавы старшыні праўлення адкрытага акцыянернага таварыства "Банк развіцця Рэспублікі Беларусь" Сяргея Румаса, перадае карэспандэнт БЕЛТА.
Прэзідэнту даложаны ініцыятывы Банка развіцця ў галіне падтрымкі малога і сярэдняга бізнесу. Аляксандр Лукашэнка падрабязна цікавіўся, якія праекты былі прафінансаваны, што прадпрымальнікі атрымалі ад такой падтрымкі праз Банк развіцця. Як адзначыў Сяргей Румас, праграма, якую Банк развіцця вядзе сумесна з 9 банкамі - партнёрамі па крэдытаванні інвестпраектаў у сферы малога і сярэдняга бізнесу, ужо дае свае вынікі. У прыватнасці, у 2014 годзе прафінансавана 99 праектаў у сферы малога і сярэдняга бізнесу, крэдытная падтрымка Банка развіцця склала
Br90 млрд. Пры гэтым агульны кошт праектаў, у якіх прымалі ўдзел прадпрымальнікі ўласнымі грашыма, склаў Br650 млрд. Сяргей Румас адзначыў, што ў гэтым годзе камерцыйным банкам прадастаўлена ўжо Br150 млрд, усяго ж плануецца аказаць падтрымку малому і сярэдняму бізнесу ў рамках толькі адной гэтай праграмы на суму Br700 млрд.Банк развіцця ўнёс прапановы яшчэ па некалькіх ініцыятывах, якія датычацца падтрымкі малога і сярэдняга бізнесу, і гэтыя ініцыятывы былі адобраны кіраўніком дзяржавы. Сяргей Румас не стаў удавацца ў падрабязнасці, адзначыўшы, што ў бліжэйшы час гэтыя праекты стануць вядомы прадпрымальнікам.
Прэзідэнт цікавіўся вынікамі работы Банка развіцця ў 2014 годзе.
Кіраўніку дзяржавы было падрабязна даложана аб падтрымцы экспарту як Банкам развіцця, так і яго даччынай кампаніяй ААТ "Прамагралізінг". Аляксандр Лукашэнка падкрэсліў, што неабходна ісці на дыверсіфікацыю паставак прадукцыі на экспарт, не абмяжоўваючыся толькі традыцыйнымі гандлёвымі партнёрамі.
Што датычыцца вынікаў дзейнасці Банка развіцця за 2014 год, то актывы банка прыраслі на 33 працэнты, у той час як актывы банкаўскай сістэмы выраслі на 22 працэнты. "Банк развіцця па-ранейшаму застаецца лідарам па такіх якасных паказчыках, як прыбытак, сукупны прыбытак, прыбытак на аднаго работніка і рэнтабельнасць дзейнасці", - адзначыў Сяргей Румас.
Кіраўніку дзяржавы даложана таксама аб завяршэнні работы па вызначэнні Банка развіцця адзіным каардынатарам у крэдытаванні дзяржаўных праграм. "Мы разлічваем, што ўжо ў 2015 годзе на прыкладзе адной галіны зможам ажыццявіць тыя элементы конкурснага адбору, конкурснай падтрымкі найбольш значных праектаў, уключаных у дзяржаўныя праграмы", - сказаў Сяргей Румас.
У час даклада была закранута тэма сямейнага капіталу. Прэзідэнту даложана аб тым, што пачынаючы з другога квартала Банк развіцця пачне ажыццяўленне функцыі кіравання сямейным капіталам.
версія для друку
зрабіць стартавай
дабавіць у выбранае