Падзеі

Лукашэнка: адносіны Беларусі і Нікарагуа характарызуюцца актыўным палітычным дыялогам і выгаднымі праектамі

Фота з архiва

15 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Нікарагуа Хасэ Даніэля Артэгу Сааведру і брацкі народ гэтай краіны з Днём Незалежнасці. Аб гэтым БЕЛТА паведамілі ў прэс-службе беларускага лідара.

"Нікарагуа з'яўляецца адной з краін у Лацінскай Амерыцы, якія, нягледзячы на бесперапынны знешні націск, прадаўжаюць адстойваць свае нацыянальныя інтарэсы і праводзяць незалежную палітыку", - гаворыцца ў віншаванні.

Кіраўнік дзяржавы выказаў задавальненне тым, што беларуска-нікарагуанскае ўзаемадзеянне, заснаванае на падобных каштоўнасцях і поглядах на светаўладкаванне, сёння характарызуецца не толькі актыўным палітычным дыялогам, але і выгаднымі для абедзвюх краін эканамічнымі праектамі.

"Ведаю аб вашых планах наведаць наш рэгіён і разлічваю на тое, што Вы знойдзеце магчымасць зазірнуць у Беларусь, каб асабіста пазнаёміцца з нашай гасціннай, дружалюбнай краінай", - адзначыў Прэзідэнт.

Аляксандр Лукашэнка пажадаў Хасэ Даніэлю Артэгу Сааведру моцнага здароўя і далейшых поспехаў, а народу Нікарагуа - міру і дабрабыту.

версія для друку

зрабіць стартавай

дабавіць у выбранае