Падзеі

Лукашэнка аб маючых адбыцца ў Беларусі вучэннях АДКБ: Захаду перажываць не трэба

25 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка раіць на Захадзе не перажываць наконт маючых адбыцца ў Беларусі вучэнняў АДКБ, якія стартуюць 1 верасня. Аб гэтым кіраўнік дзяржавы заявіў, адказваючы на пытанні журналістаў, перадае карэспандэнт БЕЛТА.

Адказваючы на пытанне, ці трэба Захаду разглядаць гэтыя вучэнні як нейкі асаблівы сігнал, Аляксандр Лукашэнка сказаў: "Ды не. Я, шчыра кажучы, нават у дэталі не ўнікаў гэтых вучэнняў. Але ў цяперашняй сітуацыі, каб не нагнятаць абстаноўку і сітуацыю, - там няма такога баявога складніка. Там будуць невялікія падраздзяленні некаторых краін АДКБ, якія будуць адпрацоўваць у асноўным штабныя пытанні, тактыку і стратэгію на будучае. Таму ўсе яны ведаюць, мы ж іх загадзя папярэдзілі".

Разам з тым кіраўнік дзяржавы ўпэўнены, што адпаведную тэматыку на Захадзе будуць выкарыстоўваць. "Вось, там Пуцін з Лукашэнкам зноў у Беларусі нешта задумалі і ледзь ці не рыхтуюць наступленне на тую ж няшчасную Польшчу... Нічога падобнага. Ніякага наступлення. Мы адпрацоўваем звычайныя пытанні, якія былі даўно спланаваны. Таму і вам, і ім перажываць за гэта не трэба", - запэўніў беларускі лідар.

версія для друку

зрабіць стартавай

дабавіць у выбранае